Frábært Video! 

Vá hvað það er alltaf mikill munur að vakna snemma og geta fengið sér kaffi og góðan morgunmat áður en maður fer í skólann. Ég ætla að stefna að því að gera þetta oftar frekar en að rjúka út úr húsinu með blautt hár. Gúrkutíð í París .

Jæja dömur og herrar, þá er skólinn byrjaður hjá mér aftur og allt komið á fullt. Það hafa heldur betur orðið breytingar á skólanum hjá mér og búið að skipta hreinlega um stjórn alþjóðlegudeildarinnar. Það er búið að vera mikið uppnám vegna þessara breytinga hjá fólki í skólanum en núna þegar fyrsta vikan er búin þá virðast þessar breytingar vera til batnaðar. Ég er allavega mjög sáttur við þá kennara sem ég er með í ár og allt virðist stefna í gott ár.

Á föstudaginn síðastliðinn sýndi ég fyrsta “cut” af myndinni minni Shower. Myndin sem fjallar um heimsókn karlmanns til karlstrippara var almennt vel tekið en ég þarf þó að gera á henni ýmsar breytingar t.d. fínpússa klippingar, laga hljóð og litblanda. Þetta er búið að vera mjög áhugavert verkefni hingað til enda var þessi mynd gerð án handrits. Hún verður svo frumsýnd í nóvember.

Næstkomandi fimmtudag held ég ásamt bekkjarfélaga mínum, Paul Natale (sjá mynd neðar á síðunni), til Pisek í Tékklandi en þar fer fram kvikmyndahátíð þar sem mynd Pauls verður sýnd. Ég sá um leikmyndahönnunina og leikmuni í myndinni og það verður virkilega gaman að sjá hvernig fólk tekur í myndina. Við munum fljúga til Prague og verðum sóttir á flugvöllinn af einhverjum að aðstandendum hátíðarinnar og keyrum svo um eina og hálfa klukkustund til Pisek. Á milli sýninga munum við svo fá tækifæri til að fara á ýmis námskeið að mér skilst og mun sunnudagurinn fara í að skoða Prague. Síðan fljúgum við til Parísar á mánudaginn.

Annars er bara allt gott að frétta héðan . 

Þessi gleymdi nú alveg að skola sig.
Jæja þá var maður að koma úr sturtu. Rútínan hjá mér er venjulega sú að þegar ég er búinn í sturtu þurrka ég mér, spreyja á mig svitalyktaeyði, hengi handklæðið upp og fer í nærbuxur. Síðan sest ég niður við tölvuna í svona 10 mínútur og slappa aðeins af meðan þorna alveg. Ég er nú ekkert vanur að vera að drífa mig að þessari athöfn enda gerist þetta venjulega á morgnanna en núna brá ég mér aðeins út af vananum og fór í sturtu rétt fyrir svefninn. Fór ég að eins og venjan er og sat á nærbuxunum við tölvuna meðan ég las fréttir og. flr en þegar ég þurfti svo að teygja úr handarkrikanum þá strekktust öll hárin undir honum eins og þau væru að rifna af og þegar betur var að gáð hafði ég gleymt að skola sápuna af þar undir. Þetta var frekar skrítið því sápan var orðin hörð undir höndunum væntanlega af mixtúrunni við svitalyktaeyðinn….. svona geta nú hlutirnir gerst!

Kallað var á töfralækni en því miður hjálpaði það ekkiJæja þá hef ég orðið veikur enn og aftur. Veikindin byrjuðu á þriðjudaginn þannig að ég er búinn að vera í rúminu í fjóra daga og núna er ég að verða geðveikur af leiðindum. Ég er búinn að horfa á alltof margar bíómyndir og skoða alltof margar heimasíður í þessa fjóra daga.Síðan er ég búinn að borða svakalega mikuð (kjúkling, pirates of the carribean pönnukökur, brauð og pizzur) og drekka alveg rosalega mikið (sérstaklega te og kaffi) en mér finnst ég bara vera að léttast ef e-ð er….. skrítið. Ég man þegar maður var lítill þá tók maður oft veikindum fagnandi því að þá þurfti maður ekki að fara í skólann en núna er ekkert leiðinlegra. En jæja ég nenni ekki að halda áfram þessu væli.Ég horfði aftur á myndina Tillsammans um daginn og mér fannst hún svo miklu skemmtilegri en ég hafði upphaflega munað. Sérstaklega kannski í ljósi þess að ég sá stuttmyndina “Bara prata lite” (e. “Talk”) sem er einnig eftir Lukas Moodyson en hún fjallar einmitt um Birger Anderson sem kemur einmitt fyrir myndinni Tillsammans. Hvet alla til að sjá báðar þessar myndir sem ekki hafa séð.bújakaza

Í nótt dreymdi mig skemmtilegan draum. Ég var mættur á e-ð kaffihús til þess að hitta leikaran Mark Wahlberg sem ætlaði að segja mér frá kvikmyndaferli sínum og reyna að kenna mér e-ð í sambandi við samskipti leikara og leikstjóra. Við hittumst á einhverju kaffihúsi sem er ekki til í raunveruleikanum en þetta kaffihús var riiisastórt á tveimur hæðum. Ég labbaði inn á kaffihúsið og sá engan Mark þar þannig að ég settist niður og beið. Þá kom hann Önundur upp að mér og spurði hvað ég væri að gera þarna. Ég hvíslaði til hans að ég væri að fara hitta Mark Wahlberg og þyrfti að hafa augun opin þar sem hann vissi ekki hver ég væri. Þá benti Önundur á svalir efri hæðarinnar og sagði mér að þarna væri Mark Wahlberg. Þar stóð hann með tvo – þrjá lífverði og ég labbaði upp stigan til móts við hann. Við heilsuðumst innilega og kynntum okkar og þá var síðan ákveðið að fá sér bjór og fara upp í sérherbergi til þess að tala saman en þar var einnig pool-borð. Þegar upp var komið og við vorum búnir að ég nokkur orðskipti birtist Dustin Hoffman. Eftir stutt samtal við þá báða ákváðum við svo að endurgera nokkur atriði úr myndinni I heart Huckabees eftir uppástungu Dustin Hoffmans. Við byrjuðum skutum fram eftir draumnum og þannig var nú það.

Jæja gott fólk þá er Íslandsför minni lokið og ég er búinn að vera um 10 daga í París og lífið er komið í svona sama farveg og það var. Ég fór beint að vinna að myndinni hans Paul Natales (sem er á mynd hér að neðan) sem heitir “Cassie”. Mitt verk fyrir þá mynd var að vera sviðsmyndahönnuður og að sjá um props.Annars náði ég að að gera allt sem er á listanum hérna að neðan nema að borða kjötbollur en ég borðaði þó fiskibollur og tók með mér eina dós sem ég gerði í gær Næst á dagskrá hjá mér er að gera eina stutta mynd á sunnudag og ég mun reyna að pósta henni hérna á netið fyrir ykkur því hún þarf voða litla eftirvinnslu og þess vegna ætti ekki að vefjast fyrir manni að henda henni upp. Síðan er ég núna að reyna leggja loka hönd á myndina sem ég gerði um daginn en hún verður víst um 15 mín.lates peeps!

Úff ég er búinn að vera brjálað upptekinn að undanförnu. Er búinn að leikstýra tveim æfingum (annari á 16mm filmu) og er að fara leikstýra aftur á morgun (Vantaði eitt aukaatriði í myndina mína). Síðan er ég líka að klippa tvær myndir og er að huga að eftirvinnslu að minni eigin mynd. Síðan er ég náttúrulega alltaf að skrifa handrit þannig að ég held að ég sé að verða geðveikur núna en það er farið að lægja aðeins á stressinu enda er ég að koma til Íslands á fimmtudag eins og flestir ættu að vita. Það sem mig hlakkar mest til að gera á Íslandi fyrir utan það að hitta allt fólkið er að:- Fara í langar heitar sturtur og böð.- Drekka íslenskt kranavatn.- Borða harðfisk.- Borða kjöt- og fiskbollur.Og auðvitað margt fleira.En hvað um það.Meira seinna.

Gosdrykkurinn Tab er svalað þorsta Íslendinga í tæplega 25 ár.í dag er sorgardagur í íslenskri gosdrykkjarsögu því tilkynnt var að gosdrykkurinn Tab muni brátt hverfa úr hillum búðar- og sjoppueigenda því hætta á framleiðslu drykksins. Í sumar verður semsagt ekki hægt að fara í bíltúr og fá sér Tab og Prince Polo.

Maðurinn á myndinni er Paul og með honum er konan hans Barbara. Paul er með mér í bekk og kemur frá Bandaríkjunum. Er það bara ég eða er hann ótrúlega líkur Steinþóri?